कौडा खेलिरहेका पाँच जनालाई ३ लाख ८५ हजार २२५ रुपैयाँसहित पक्राउ

नवलपरासी २७ मंसिर । जिल्ला प्रहरी कार्यालय नवलपरासी पूर्वले कौडा खेलिरहेको अवस्था ३ लाख ८५ हजार २२५ रुपैयाँसहित पाँच जनालाई पक्राउ गरेको छ । प्रहरीले कौडा खेलिरहेको अवस्थामा देवचुली-१ का सुवासचन्द्र ओझा, चितवन भरतपुर महानगरपालिका-२ का सन्दीप गुरुङ, वडा नम्बर-११ का किरण श्रेष्ठ, त्यही ठाउँका दूर्गामान गुरुङ र  लमजुङ सुन्दरबजारका दिनेश जोशीलाई गएराति पक्राउ गरेको हो ।नवलपुरको देवचुली नगरपालिका वडा नम्बर -१ मा रहेको मेघापार्कबाट उनीहरुलाई पक्राउ गरेको जिल्ला प्रहरी कार्यालय सूचना अधिकारी प्रहरी निरीक्षक मधुसुदन सिंहले बताउनु भयो ।