भक्तपुर ७ पुस।प्रचण्ड नेपाल समुहद्धारा सांसदको हस्ताक्षर दुरुपयोग भएको खुलासा भएको छ संसद्को विशेष अधिवेशन आह्वान गर्नका लागि संकलन गरिएको हस्ताक्षरलाई प्रधानमन्त्रीबिरुद्धको अविस्वास प्रस्तावमा प्रयोग भएपछि सांसदहरु आक्रोषि बनेका छन् ।विशेष अधिवेशनका लागि संकलन गरिएको हस्ताक्षर अविश्वासको प्रस्तावमा दुरुपयोग भएपछि उक्त रहस्य खुलेको हो।
नेकपाकी सांसद रामकुमारी झाक्रीले संसद सचिवालयमा दर्ता भएको हस्ताक्षर संसदको विशेष अधिवेशन आह्वानका लागि संकलन गरिएको जनाएकी छन्।‘संसदको विशेष अधिवेशनका लागि हामीले हस्ताक्षर गरेका हौं, अविश्वासको प्रस्तावका लागि होइन,’ झाक्रीले न्युज २४ टेलिभिजन कार्यक्रममा भनिन्, ‘अब ठूला नेताले उता लगेर प्रयोग गरेछन्।’ उनका अनुसार सो हस्ताक्षर संकलनको प्रयोजन विशेष अधिवेसन बोलाउने थियो, अविश्वासको प्रस्ताव दर्ता गराउने थिएन।
त्यस्तै सांसद छक्कबहादुर लामाले पनि आफ्नो हस्ताक्षर दुरुपयोग गरेको जनाएका छन। सांसद शेरबहादुर तामाङले पनि प्रधानमन्त्रीविरुद्ध अविश्वासको प्रस्तावका लागि हस्ताक्षर नगरेको स्पष्ट पारेका छन्।
प्रतिक्रिया