ओली र थापाबीच भेटवार्ता,

काठमाण्डौ ८ पुष ।  प्रधानमन्त्री तथा नेपाल कम्युनिस्ट पार्टी (नेकपा) को ओली समूहका अध्यक्ष केपी शर्मा ओली र गृहमन्त्री तथा सचिवालय सदस्य रामबहादुर थापा बादलबीच भेटवार्ता भएको छ ।बुधबार  बिहान बालुवाटारमा भएको झण्डै एक घण्टा लामो भेटवार्तामा प्रधानमन्त्री ओलीले थापालाई सहकार्यको प्रस्ताव गर्नुभएको थियो । ‘दीर्घकालीन हित हुने गरी तपाईँले सोच्नुपर्‍यो, मैले के सहयोग गर्नुपर्छ, त्यसको लागि तयार छु’, ओलीको भनाइ उधृत गर्दै स्रोतले बतायो । जवाफमा थापाले ओलीको प्रस्ताव सकारात्मक रहेको र आफूले छिट्टै निर्णय लिने बताउनुभएको पनि स्रोतले जानकारी दिएको छ । 

प्रधानमन्त्री ओलीको सिफारिसमा राष्ट्रपतिद्वारा संसद् भङ्ग भएपछि नेकपामा दुई टुक्रामा विभाजित भएको छ । तर सचिवालय सदस्यहरू वामदेव गौतम र रामबहादुर थापा तटस्थ बस्नुभएको छ । दुवै समूहले उहाँहरूलाई आफ्नो समूहमा ल्याउन पहल गरिरहेका छन् ।मङ्गलबार  र सोमबार   प्रचण्डले गृहमन्त्री थापालाई निवासमै पुगेर सहकार्यको प्रस्ताव गरिसक्नुभएको छ ।बुधबार   भने ओलीले नै थापालाई फोन गरेर बालुवाटार बोलाउनुभएको थियो । थापालाई उहाँ पक्षीय केन्द्रीय सदस्यले ओलीको कदमलाई साथ नदिन आग्रह गरिसकेका छन् ।उज्यालो