कपिलवस्तु ९ पुस ।नेकपाको पुनरगठित केन्दिय कमिटीमा कपिलबस्तुबाट पूनह थप २ जना केन्द्रिय सदस्यमा मनोनित हुनु भएको छ । ओली निकट नेकपाको केन्द्रिय कमिटीमा पछि थपिने २ जनामा बाबुराम खनाल र जन्जिर प्रसाद चौधरी रहनुभएको छ । यसअघि जिल्लाबाट केन्द्रिय सदस्यमा ११ जना नेता पर्नु भएको थियो । पहिले देखी केन्द्रमा रहदै आउनु भएका बिमला घिमीरे र शिराज अहमद फारुकी पुनर गठित केन्दिय सदस्यमै रहनु भएको थियो ।
यस्तै नयाँ मनोनित हुने केन्दिय सदस्यमा बलराम अधिकारी , झबीलाल पोख्रेल , कृष्ण पौडेल , डम्मर शर्मा , बिश्राम चौधरी , शान्ति देबी हरीजन ,शुसिल श्रीवास्तब , मुस्तफा मुसलमान र शारदा शर्मा रहनु भएको छ । अब नेकपाको ११९९ सदस्य कमिटिमा कपिलवस्तुबाट १३ जना भएका छन ।
यता पूर्व सभासद शान्तिदेवि चमारले ओली समुहको मनोनयन अस्वीकार गरेको भनेर विभिन्न मिडियामा आएको समाचार प्रति आपत्ति जनाउनु भएको छ । उहाले आफू ओली समुहको सपथ लिएर केन्द्रिय बैठकमा समेत सहभागि भएको जनाउदै माधव नेपाल समुहले वाटो विराएकाले आफूले ओलीलाई साथ दिएको स्पष्ट पार्नु भएको छ । उहा यसअघि माधव नेपाल समुहमा सकृय हुनुहुन्थ्यो ।
प्रतिक्रिया