थप ४ सय २६ जनामा कोरोना संक्रमण पुष्टि

 काठमाडौं १७ पुस । पछिल्लो २४ घण्टामा थप ४ सय २६ जनामा कोरोना  संक्रमण पुष्टि भएको छ । ५ हजार २ सय २५ जनामा गरिएको परीक्षणमा २ सय ७३ पुरुष र १ सय ५३ महिला गरी ४ सय २६ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ  ।योसँगै नेपालमा कोरोना भाइरस संक्रमितको कुल संख्या २ लाख ६१ हजार १९ जना पुगेको छ ।आज  संक्रमणमुक्त हुनेको संख्या ७ सय ४८ रहेको छ ।

हालसम्म संक्रमणमुक्त हुनेको संख्या २ लाख ५३ हजार १ सय ७ रहेको छ । हाल सक्रिय संक्रमितको संख्या ६ हजार ४८ रहेको छ ।कोरोना भाइरस संक्रमणका कारण पछिल्लो २४ घण्टामा ८ जनाको मृत्यु भएको छ । हालसम्म मृत्यु हुनेको संख्या १ हजार ८ सय ६४ रहेको स्वास्थ्य तथा जनसंख्या मन्त्रालयले जनाएको छ ।पछिल्लो २४ घण्टामा काठमाडौं जिल्लामा १ सय ३४, ललितपुरमा १८ र भक्तपुरमा १५ जना संक्रमित भेटिएका छन् ।