जन्मदर्ता लिन स्थानीय सरकारले राख्यो नयाँ मापदण्ड

कपिलवस्तु १ माघ ।कपिलवस्तु नगरपालिकाले जन्म दर्ताको प्रमाण पत्र बनाउनका लागि खोप कार्ड अनिवार्य गरेको छ । नगरपालिकालाई आउने बैशाख भित्र पुर्ण खोपयुक्त घोषणा गर्ने अभियानलाई सार्थकता दिन कपिलवस्तु नगरपालिकाले खोप कार्ड नबनाई जन्म दर्ता प्रमाण पत्र बनाउन रोकेको हो । खोप कार्ड नभए बच्चाहरुले पाउदै आएको प्रोत्साहन भत्ता समेत नदिने निर्णय गरिएको हो ।

     जन्मे देखि १५ महिना सम्मका बच्चाहरुको जन्म दर्ता बनाउदा खोप कार्य अनिवार्य गरिएको मेयर किरण सिंहले बताए । नगरपालिकालाई पुर्ण खोपयुक्त घोषणा गर्ने अभियानलाई सार्थकता दिन अर्को सुचना जारी नहुदा सम्मका लागि जन्म दर्ताका लागि खोप कार्ड अनिवार्य गरिएको उहाको भनाई छ ।