प्रदेशवासीलाई सितलहरवाट प्रभावित हुन नदिने सामाजिक मन्त्रीको प्रतिवद्धता

बुटवल ९ माघ । लुम्बिनी प्रदेशका सामाजिक विकासमन्त्री सुदर्शन बरालले चिसो र सितलहवाट कसैलाई पनि समस्यामा पर्न नदिईने जनाउनु भएको छ । उहाले विहिबार एक अपिल जारी गर्दै यस्तो वताउनु भएको छ । जारी अपिलमा  चिसोले शरीरमा केही समस्या देखीए नजिकको स्वास्थ्य संस्थामा जान समेत भन्नुभएको छ ।चिसोबाट सावधानी अपनाउन अनुरोध गर्नुभएको छ ।

     उहाले चिसोबाट बच्न न्यानो कपडा लगाउन, अनावश्यक रुपमा घरबाहिर नबस्न समेत आग्रह गर्नुभयो ।सामाजिक विकास मन्त्री बरालले चिसो र सितलहरबाट प्रभावित समुदायहरुलाई सहयोग वितरण भइरहेको जानकारी दिनुभयो ।उहाले अरु पनि जोखिमयुक्त समुदायको पहिचान गरी आवश्यक सहयोग गर्न सरकारी संयन्त्र तथा गैरसरकारी संस्थाहरुसँग समेत अपिल गर्नुभएको छ ।

    पछिल्लो समयमा चिसो र सितलहरका कारण तराइका जिल्लाहरुको जनजीवन प्रभावित भएको छ । चिसोका कारण गर्भवती तथा सुत्केरी महिलाहरु, नवजात शिशु, बालबालीका, अपांगता भएका व्यक्तीहरु, दिर्घरोगी, ज्येष्ठ नागरिक, असाहय, अनाथ, अति विपन्न तथा सिमान्तकृत समुदायका मानिसहरु बढि प्रभावित भएका छन ।