चिसो बढेपछि विभिन्न पालिकाका विद्यालय बन्द

कपिलवस्तु १४ माघ । अत्यधिक चिसो बढेपछि  वाणगंगा नगरपालिका भित्रका विद्यालय दुई दिनका लागि बन्द भएका छन् ।माघ १५ र १६ गते विद्यालय विदा दिने निर्णय गरेको नगर शिक्षा शाखाले जनाएको छ । नगर शिक्षा समितिको वुधवार बसेको बैठकले सो निर्णय गरेको जनाएको छ ।

    यसै बीच कपिलवस्तु नगरपालिकामा ३ दिन यता विद्यालय बन्द हुदै आएकोमा पुन सत्र गते सम्मका लागि विद्यालय बन्द थप गरिएको छ । कपिलवस्तुको मायादेवि शुद्धोधन लगायतका गाउपालिकामा पनि विद्यालय बन्द भएका छन् ।