मोटरसाइकल दुर्घटनामा परेर दुई जनाको ज्यान गयो

काठमाण्डौ १८ माघ ।  मोटरसाइकल दुर्घटनामा परेर काठमाण्डौमा दुई जनाको ज्यान गएको छ ।काठमाण्डौको कागेश्वरी मनोहरा नगरपालिका ७ अमरसिंह चोकमा बा ९३ प ३३१० नम्बरको मोटरसाइकल दुर्घटना हुँदा चालक सिन्धुली घर भएर भक्तपुर बस्ने ३१ वर्षका निराजन बरालको ज्यान गएको छ । सडक लेन मिचेर आउँदै गरेको बा ५ ख ४३ ७३ नम्बरको टिप्परलाई साइड दिने क्रममा मोटरसाइकल घरमा ठोक्किएको थियो ।मोटरसाइकल चालक बरालको राष्ट्रिय ट्रमा सेन्टरमा उपचारका क्रममा ज्यान गएको महानगरीय ट्राफिक प्रहरी महाशाखाले जनाएको छ । यस्तै, काठमाण्डौको नयाँ बसपार्कमा मोटरसाइकलको ठक्करबाट पैदलयात्रीको ज्यान गएको छ ।बा ८७ प ७०९२ नम्बरको मोटरसाइकलको ठक्करबाट पैदलयात्री लमजुङको दोर्दी गाउँपालिका ७ का ५६ वर्षका सुनमायाँ गुरुङको ज्यान गएको प्रहरीले जनाएको छ ।