मार्चपासमा लाग्यो अनौठो नारा ..बा आई लभ यू

काठमाडौं, २२ माघ । नेकपा ओली समूहका युवाहरुले शुक्रबारको सभाका सन्ध्यामा काठमाडौंमा मार्चपास गरेका छन् । ओली समूहका नेता महेश बस्नेतको नेतृत्वमा युवा–विद्यार्थीहरूले काठमाडौंमा मार्चपास गरेका हुन् ।राष्ट्रिय युवा संघ, अनेरास्ववियु, खेलकुद महासंघ, सम्पर्क मञ्चका समन्वय कमिटीका युवाहरुले प्रदर्शनी मार्गबाट पुतलीसडक हुँदै कमलादीसम्म मार्चपास गरेका हुन्

  बस्नेतको नेतृत्वमा ओली समूहका युवा–विद्यार्थीहरूले कमलादीबाट पुतलीसडक हुँदै प्रदर्शनीमार्गसम्म प्रदर्शन गरेका हुन् । मार्चपासमा निस्किएका युवा विद्यार्थीले ‘केपी बा आइ लभ यू’ ‘आज होइन भोलिलाई, १० वर्ष ओलीलाई, अघि बढ केपी बा, ज्यान दिन तयार छ’ जस्ता नारा लगाएका थिए ।