कपिलवस्तु उद्योग वाणिज्य संघको प्रारम्भिक नतिजा अनुसार लोकतान्त्रिक प्यानल अघि

कपिलवस्तु २७ माघ । कपिलवस्तु उद्योग वाणिज्य संघको प्रारम्भिक नतिजा अनुसार लोकतान्त्रिक प्यानल अघि देखिएको छ । उद्योग वाणिज्य संघको कार्यक्षेत्र रहेको वाणगंगा नगरपालिकाको वडा ९ र १० अन्तरगत पटना र भलवाड बजार क्षेत्रमा लोकतान्त्रिक प्यानल अघि देखिएको हो  । क्षेत्रगत सदस्यमा भलवाड र पटनामा जीत हासिल गरेको लोकतान्त्रिक प्यानलले अध्यक्ष सहित पदाधिकारीमा पनि अग्रता कायम गरेको छ ।

लोकतान्त्रिक तर्फ अध्यक्षका प्रत्यासी डोलकराम घिमिरेले ४९ , प्रगतिशिल प्यानलका टोपनारायण वेल्वासेले ४२ मत प्राप्त गर्नुभएको निर्वाचन समितिले जनाएको छ । बरिष्ठ उपाध्यक्षमा लक्ष्मण अधिकारीले ४६, छविलाल रेश्मी मगरले ४० मत प्राप्त गर्नुभएको छ भने उद्योग उपाध्यक्षमा तुलसीराम घिमिरेले ४९, कृष्ण सापकोटाले ३९ त्यसैगरी वाणिज्य उपाध्यक्षमा खुमानन्द घिमिरले ५१, कृष्ण प्रसाद गैरे ३६, महिला उपाध्यक्षमा इन्दिरा तिमिल्सीनाले ४३, शान्ता क्षेत्रीले ४० मत प्राप्त गर्नुभएको छ ।

त्यस्तै महासचिवमा मनोज पौडेलले ४७, कुशल पौडेलले ३८, कोषाध्यक्ष पदमा विनोद पन्तले ४८ र मनोहर योगीले ३५ मत पाउनुभएको निर्वाचन समितिले जनाएको छ ।सचिव पदमा शंकर न्यौपानेले ६०, खिमानन्द पौडेलले २७ मत प्राप्त गर्दा सह कोषाध्यक्षमा यम बहादुर केसीले ४० र सिराज अहमदले ४६ मत प्राप्त गर्नुभएको छ । अहिले कोपवा र ओदारी बजार क्षेत्रको मतगणना जारी छ ।उवासघको आगामी नेतृत्वको लागि मंगलबार भएको निर्वाचनमा १६ सय २५ मतदातामा  रहेकोमा ९४ प्रतिशत मत खसेको थियो ।