निर्वाचन ताजा अपडेट : अध्यक्षमा घिमिरेको अग्रता बढ्यो,अव ३ स्थानको नतिजा आउन वाँकी

कपिलवस्तु २८ माघ ।  उद्योग बाणिज्य संघ कपिलवस्तुको विहान ५ वजे सम्मको अपडेट अनुसार प्रगतीशिल प्यानलका टोपनारायण बेल्वासे  भन्दा  लोकतान्त्रिक प्यानलका डोलक राम घिमिरेको मतान्तर ८०ले  बढी देखिएको छ । घिमिरेले ४४४ र वेलवासेले ३६४ मत ल्याउनु भएको छ । बैरीयाको गणना हुदा घिमिरेको अग्रता वढेको वताइएकोछ ।

    अहिले गजेहडाको मतगणना जारीछ । अव वोडगाउ र ४ नम्वरको मत सहित गजेहडाको मतको नतिजा थपिने छ । अध्यक्ष सहितका पदाधिकारीमा लोकतान्त्रिक प्यानलको अग्रता देखिएको छ । कडा प्रतिस्पर्धामा झिनो अन्तरले नतिजा आउने निर्वाचन समितिका सदस्य गुणानिधी भुसालले जानकारी दिनु भयो । करिव ९ सय मत गणना भई सकेको छ भने अव ६सय ५० मतको नतिजा आउन वाँकीछ । एसोसियट उपध्यक्षमा भने प्रगतीशिल प्यानलका विरेन्द्र खाण ७ मतले विजयी हुनु भएको छ ।