गोलपार्क क्रिकेट क्लवको बिजयी शुरुवात

बुटवल २९ माघ । बुटवल युथलाई ६६ रनले पराजित गर्दै गोलपार्क क्रिकेट क्लवले रुपन्देहीमा जारी सुपर लिग क्रिकेट प्रतियोगिताको बिजयी शुरुवात गरेको छ ।सिद्धार्थ रंगशालामा आज भएको खेलमा टस जितेर ब्याटिङमा आएको गोलपार्कले ३९ ओभर चार बलमा सबै विकेट गुमाउँदै दुई सय सात रन जोडेको थियो । जसमा रिक्की पुनले ४५, बिनोद रनपालले ३३, दिवन पुनले ३१ र हेमन्त ओलीले २८ रन जोडे । बलिङमा बुटवल युथका बिनित पौडेलले चार, सन्तोष परियार र सुजन गौतमले समान दुई\दुई विकेट लिए ।

जवाफी ब्याटिङ गर्न आएको बुटवल युथले मात्र एक सय ४१ रन बनाउँन सक्यो । ३३ ओभर तीन बलमा सबै विकेट गुमाउँदै ६६ रनको हार ब्यहो¥यो । उसकालागि सुजन गौतमले सर्वाधिक ३१ रन, सुमन थापा क्षेत्रीले २७ र बिनित पौडेलले २० रन बनाएका थिए । बाँकी खेलाडीले दोहोरो अंकपनि जोड्न सकेनन् । बुटवल युथलाई सस्तैमा रोक्न दिवन पुनले पाँच, रिक्की पुनले दुई, रिजन पछाई, आर्गिन सुबेदी र बिनोद रनपालले समान एक\एक विकेट लिए । म्यान अफ दी म्याच दिवन पुन घोषित भए । भोली सैनामैना क्रिकेट क्लव र स्टार क्रिकेट क्लवबीच प्रतिसपर्धा हुने छ ।