कपिलवस्तु १० फागुन । बाणगंगा नगरपालिकाका नगर प्रमुख मंगल प्रसाद थारुले शुद्ध खानेपानीको सहज उपलब्धता नगरको आधारभूत प्रतिवद्धको भएको वताउनु भएको छ। उहाले खानेपानीको विषयमा प्रदेश सरकारको १ घर १ धारा कार्यक्रम अनुसार नै नगरले पनि कार्य गरि रहेको बताउनु भएको हो । उहाले नगरपालिकाले सबै क्षेत्र हेर्नुपर्ने भएकाले खानेपानी र सरसफाईको क्षेत्रलाई प्राथमिकतामा राखि योजनाहरुलाई अगाडी बढाईरहेको बताउनुभयो ।
खानेपानी तथा सरसफाई उपभोक्ता महासघं नेपाल बाणगंगा नगरपालिका स्तरिय भेलालाई सम्बोधन गर्दै उहाले यस्तो बताउनुभएको हो । शुद्ध पानी सेवन नगरेकै कारण विभिन्न किसिमका रोग लाग्ने भएकाले उपभोक्ता स्वयम सचेत हुनुपर्ने औल्याउनुभयो । यस्तै नगरउपप्रमुख चक्रपाणी अर्यालले नगरबासी सबैलाई शुद्ध खानेपानीको व्यवास्थापन तर्फ नगर लाग्र्नु पर्ने जनाउदै वास परियोजना समेत निमार्ण गरिसकेको जानकारी दिनुभयो । उहाले चालु आर्थिक वर्षमा नगरमा ४।५ ओटा ओभरहेड टंकी निमार्ण भैरहेको जनाउदै घर घरमा सुरक्षित खानेपानीका धारा पुर्याउने योजना सहित अगाडी बढेको बताउनुभयो ।
यस्तै बाणगंगा नगरपालिकाको सहयोगमा भएको कार्यक्रममा वडा नं. १ का वडा अध्यक्ष बालकुमारी पन्थ, २ का विष्णु पौडेल, ४ का गणेश क्षेत्री, ५ का भिष्मराज भुषाल , ८ का वडा अध्यक्ष ध्रुब बेल्बासे, पत्रकार महासघं कपिलबस्तुका उपाध्यक्ष पार्वती पाण्डे लगाएतले बोल्दै सुरक्षित खानेपानी पाउनु नागरिकको अधिकार रहेकाले यस विषयमा विषेशरुपमा अगाडी बढ्नुपर्ने आवश्यकता रहेकोबताउनु भएको थियो । कार्यक्रम खानेपानी तथा सरसफाई उपभोक्ता महासघं नेपालका अध्यक्ष राजेन्द्र विक्रम शाहीको अध्यक्षता, सचिव धर्मराज गैरेको संचालन तथा उपाध्यक्ष राधिका पन्थ पौडेलको स्वागतमा सम्पन्न भएको हो ।
यस्तैविच भेलाले बाणगंगा नगर स्तरिय खानेपानी तथा सरसफाई उपभोक्ता समिती गठन गरेको छ । बाणगंगा खानेपानी उपभोक्ता समितीका अध्यक्ष विश्व कार्कीको अध्यक्षतामा १५ सदस्यीय समिती गठन गरेको हो । जसको उपाध्यक्षमा शुष्मा थापा, सचीवमा राम प्रसाद भुसाल, कोषाध्यक्षमा बिमला चौधरी र सह सचीवमा लक्ष्मी क्षेत्री रहनु भएको छ ।
यस्तै मान बहादुर थापाको संयोजकत्वमा लेखा समिती समेत चयन गरेको छ । जसमा लक्ष्मी अर्याल र धुर्ब चनु थारु सदस्य रहनु भयेको छ । जिल्ला भित्रका दस वटै पालिकामा समिती गठन गर्ने जिल्ला समितीको निर्णय अनुसार बुद्धभुमी मा गत माघ ३० गते नै गठन गरि सकिएको छ भने बाकी पालिकामा पनि छिट्टै भेला बोलाइने ज जिल्ला कोषाध्यक्ष नमुना पौडेलले दिनु भयेको छ ।
प्रतिक्रिया