सुन चोरेको आधा घण्टामा समातिए ।

कपिलवस्तु 

कपिलवस्तुको जिल्ला सदरमुकाम तौलिहवामा सुन चोरेको आधा घण्टा भित्र प्रहरीले चोर समाएको छ । साँझ पौने ६ बजे कपिलवस्तु नगरपालिका वडा नं. १ शिवालय चोकमा रहेको नित्यानन्द ज्वेलयर्स बाट ३ थान औँठी चोरी गरी भागेका थिए । शुद्धोदन गाउँपालिका ६ कर्मा बस्ने वर्ष २७ को हविव खान र वर्ष २० को उमेश मल्लाहले सुन किन्ने बाहानामा पसलमा छिरेका थिए । सुन देखाउँने क्रममा ८१.८ लाल सुनले बनेको ३ थान औँठी लिएर भागेका थिए । 

पसल सञ्चालकले तत्काल प्रहरी लाई खबर गरे पछि ३० मिनेट भित्र चोर समातिएका थिए । प्रहरीलाई झुक्काउन दुवैले कपडा समेत परिवर्तन गरेका थिए । चोरी भएको स्थल देखी २ किमी पूर्व जमुवार पुलमा जिल्ला प्रहरी कार्यालय कपिलवस्तुका प्रहरी नायव उपरीक्षक धर्मराज भण्डारीको टोलीले शङ्काका आधारमा समाएको थियो । चोरी गर्न प्रयोग गरिएको लु ४१ प ३१०२ नम्बरको मोटर साइकल सहित दुवै जनालाई नियन्त्रणमा लिई थप अनुसन्धान भइरहेको प्रहरी उपरीक्षक नवराज अधिकारीले बताए ।