कपिलवस्तु १९ फागुन । मर्मत नभएर खाल्टा खुल्टी भएको कपिलवस्तुको डुमरा देखी महाराजगन्ज सडक कालेपत्रे हुने भएको छ । संघिय सांसद बृजेश कुमार गुप्ता, दिर्घनारायण पाण्डे, तथा नेकपाको पहलमा उक्त सडक कालो पत्रे हुनका लागि टेण्डर खुलेको छ । १२ किलो मिटर लामो सडक निर्माणका लागि २६ करोड हुने भएको । लुम्विनी प्रदेश सरकारले सडक डिभिजन कार्यालय मार्फत ठेक्का खुलाएको संघिय सांसद बृजेश कुमार गुप्ताले बताउनु भयो ।
उक्त सडकको डुमरा देखी ३ सय मिटर पश्चिम तर्फ डिभाइडर सहितको ब्युटी लेन हुने छ । वस्ती क्षेत्रका दुबै तर्फ नाली निर्माण गरिने डिपिआर गरिएको छ । डेलिकेडेड २ लेन सडक बुद्धभुमी ९ को डुमरा, महाराजगञ्ज नगरपालिका महाराजगञ्ज बजार सम्म पुग्ने छ । यसै गरी महाराजगन्ज वजार देखी हर्दौना सम्मको सडक समेत कालोपत्रे हुने भएको सांसद गुप्ताले जानकारी दिनुभयो ।
लुम्बिनी प्रदेशका सामाजिक विकास समितीका सभापती दीर्घनारायण पाण्डेयले दशकौ पछि कालोपत्रे हटेर खाल्टा खुल्टी भएको सडक बन्ने भए पछि जनता सँग निर्वाचनमा गरेको बाचा पुरा भएको बताउनु भएको छ । सडक बन्ने भए पछि स्थानीय कृषि उत्पादन बजार पुराउन सहज हुने पाण्डेले भन्नु भयो । पुर्ब भौतिक योजना राज्य मन्त्री ईश्वरदयाल मिश्रले मन्त्री हुने बेला पहिलो पटक उक्त सडक कालोपत्रे भएको थियो । त्यस पछि मर्मत हुन नसक्दा कालोपत्रे भाग हटेर ठुला ठुला खाल्टा परेका थिए ।
डिपिआर गराउन टोली सँग हिडेका बुद्धभुमी नगरपालिका वडा नं. ९ का अध्यक्ष खुमानन्द न्यौपाने सडक बन्ने भए पछि खुसी भएका छन् । दशकौं देखी यात्रा गर्दा दुःख झेल्दै आएका जनताहरु प्रदेश सरकारले कालो पत्रे गर्ने भए पछि जनप्रतिनिधिलाई धन्यवाद दिएका छन् । अव बन्ने सडक डिविएस टि प्रविधिमा बन्ने छ । डवल लेन बनाउने सडक २ वर्ष भित्र बन्ने गरी टेण्डर खुलाएको छ । महाराजगन्ज नगरपालिकाको गैडहवा देखी भारतको सीमा सम्म पुग्नको लागि नेपाल सीमा सदभाव्ना सडक अन्र्तगत निर्माण हुने पुर्वाधार विकास कार्यालयका सिनियर डिभिजन प्रमुख ललित न्यौपानेले बताउनु भयो ।
प्रतिक्रिया