गुल्मी २० फागुन । गुल्मीको मुसीकोटमा जापानीज दूतावासले विद्यालय हसन्तरण गरेकोछ जापानी राजदुतावासले नेपाल राष्ट्रिय त्रिभुवन माध्यमिक विद्यालय मुसिकोट २ को नवनिर्मित भवन विद्यालयलाई हस्तान्तरण गरेको छ । जापानी सस्था (जीजीपी) को आर्थिक सहयोगमा चार कोठे भवन निर्माण गरिएको छ। जापान राजदुतावासका फस्ट सेक्रेटरी मिया मोतो केन्तरे र प्रोजेक्ट म्यानेजर नाउरो काटेले विद्यालय व्यवस्थापन समिति अध्यक्ष मदनदीप घिमिरेलाई भवनको चापी हस्तान्तरण गरे ।
कार्यक्रममा जापानी राजदुतावासको टोलीलाई स्वागत गर्दै मुसिकोट नगरपालिकाका मेयर सोमनाथ सापकोटाले नेपालको पुर्वाधार बिकासमा जापान सरकारले खेलेको भुमिका निकै महत्त्वपूर्ण रहेको बताए । सापकोटाले राजदुतावाससग आगामी दिनमा नगरका अरु क्षेत्रको बिकासमा पनि सहयोगको अपेक्षा गरे । यो भवन ०७५ फागुनमा न्यु लिजा कन्ट्रक्सनले ८५ लाख ८३ हजारको लागतमा विद्यालय भवन निर्माणको सम्झौता गरेको विद्यालयका प्रध्यानाध्यापक सुरेन्द्र नेपालीले जानकारी दिए ।
नेपाल राष्ट्रिय त्रिभुवन माबिले आगामी बर्षदेखि सीटीइभीटी मार्फत कृषि प्राबिधिक शिक्षा संचालनको योजना बनाएको विद्यालय व्यवस्थापन समिति अध्यक्ष मदनदिप घिमिरेले बताए । मुसिकोट नगरमा नेपाल राष्ट्रिय त्रिभुवन माबीले पहिलोपटक कृषि प्राबिधिक शिक्षा संचालन गर्दैछ । ३५ रोपनी जग्गा समेत प्राप्त गरेर प्राबिधिक शिक्षाको कागजी प्रक्रियाको काम भैरहेको घिमिरेले बताए ।
प्रतिक्रिया