रासायनिक मलको अभाव हुदैँन :कृषि तथा पशुपन्छी विकास मन्त्रालय

 काठमाडौं २० फागुन । कृषि तथा पशुपन्छी विकास मन्त्रालयले रासायनिक मलको अभाव नहुने बताएको छ ।बिहीबार पत्रकार सम्मेलन गरेर मन्त्रालयले अहिलेदेखि आगामी असार, साउन र भदौसम्मका लागि किसानले मल पाउने अवस्था बनेको दाबी गरेको हो ।यो वर्ष एक लाख ८७ हजार मेट्रिकटन वितरण भइसकेको, एक लाख ६२ हजार मेट्रिकटन रासायनिक मल मौज्दात रहेको कृषि तथा पशुपन्छी विकासमन्त्री पद्माकुमारी अर्यालले बताइन ।आगामी धानको सिजनका लागी दुई लाख मेट्रिकटन रासायनिक मल मौज्दात रहने उनको दाबी छ ।