नेकपा शिवराज द्धारा ३६ शहिद परिवारलाई अभिनन्दन

कपिलवस्तु,२१ फागुन । नेपाल कम्यूनिष्ट पार्टी नेकपा शिवराज नगरकमिटि द्धारा नगरभित्रका ३६ जना शहिद परिवारका सदस्यहरुलाई अभिनन्दन गरिएको छ । २६ औ शहिद सप्ताहको अवशरमा आयोजित उक्त कार्यक्रममा शहिदहरुको कारणले मुुलुकमा संघिय लोकतान्त्रीक गणतन्त्र आएको बताएका छन्  । शहिद परिवारका सदस्यहरुलाई नगद,अभिनन्दन र दोसल्ला ओढाएर सम्मान गरिएको हो । 

कार्यक्रममा नेकपा जिल्ला अध्यक्ष विष्णुु पन्थीले शहिदको सपनालाई साकार गर्न जनताले दिएको बहुमतलाई केपी ओलीले प्रतिघात गरेको बताउनुुभएको छ । राजनितिक उपलव्धीलाई तहसनहस गरी नेकपालाई विभाजन गर्ने ओली सपना पुरा नहुने बताउनुुभयो । शहिदका सपना पुरा गर्ने प्रतिबद्धता जनतासामुु गरेको भएपनि ओलीले पुरा गर्न नसकेको बताउनुुभयो । राज्यको निम्ती शहिदहरुले ज्यानलाई आहुती दिएर मुलुुकमा अहिलेको व्यवस्था आएको बताउनुुभएको छ ।

कतिपय नेताहरु शहिदकै कारणले राज्यको मुख्य पदमा भएपनि उनीहरुले शहिदको लागि केहि गर्न नसकेको बताउनुुभयो । घरपरिवार छोडेर मुलुक बनाउन हिडेका नागरिकहरु शहिदको भएकोले उनीहरुका सपना पुरा गर्ने दायित्व नेकपाको रहेको बताउनुुभयो । नेकपाका प्रदेश कमिटि सदस्य बालकराम बुढालाई सरकार शहिदप्रति गैरजिम्मेवार बनेको बताउनुुभयो ।

बुुढाले देशमा राजनितिको स्थायित्व हुनुुपर्ने भन्दै जुनसुकै सरकार आएपनि शहिद परिवारको पक्षमा काम गर्नुुपर्नेमा जोड दिनुुभयो । नेकपाका नेता क्षेत्र बहादुर खत्री,अहमद अब्दुल रहुफ,महिला नेतृ सन्तोषि पाण्डे,मिना परियार लगाएतले शहिद परिवारलाई सान्तोना प्रदान गरेका छन् । नेकपा शिवराज नगरकमिटि अध्यक्ष दिनेश पुुनको अध्यक्षतामा भएको कार्यक्रमको संचालन युवा नेता सरोज पौडेलको संचालनमा सम्पन्न भएको छ ।