नेपालकै इतिहासमा नयाँ रेकर्ड : एकैपटक ६ अर्वको बिष्फोटक पदार्थ बरामद

काठमाडौं, २८ फागुन । प्रहरीले ६ अर्ब रुपैयाँ बराबरको अढाई किलो बहुमूल्य विष्फोटक पदार्थ युरेनियमसहित काठमाडौंबाट चार जनालाई पक्राउ गरेको छ ।महानगरीय प्रहरी आयुक्तको कार्यालय रानीपोखरीबाट खटिएको टोलीले बिहीबार बौद्धबाट उनीहरुलाई पक्राउ गरेको हो । दुई किलो ५०० ग्राम युरेनियमसहित उनीहरुलाई पक्राउ गरिएको महानगरीय प्रहरी आयुक्तको कार्यालयका एआईजी हरिबहादुर पालले जानकारी दिएका छन् । बरामद युरेनियमको नेपाली मूल्य ६ अर्ब रुपैयाँ बराबर पर्ने उनले जानकारी दिए ।

शुक्रबार पत्रकार सम्मेलन गरी प्रहरीले उनीहरुलाई सार्वजनिक गरेको हो । नेपालमा युरेनियमसहित आरोपी पक्राउ गरिएको यो पहिलो पटक हो । बरामद भएको वस्तु प्रशोधन नगरिएको युरेनिययम भएको परीक्षणबाट पुष्टि भएको प्रहरीको भनाइ छ । उनीहरुमाथि विष्फोटक पदार्थसम्बन्धी ऐनअनुसार कारबाही हुने प्रहरीले बताएको छ ।