दाङ १७चैत्र। मोटरसाइकल दुर्घटनामा परी एक जनाको मृत्यु भएको छ। दुई जना गम्भीर घाइते भएका छन्। मृत्यु हुनेमा बबई गाउँपालिका–५ का १९ वर्षीय गोविन्द पुन छन्।सोमबार बेलुकी बबई गाउँपालिका –३ हंसपुरको पिसियो चोकमा भएको मोटरसाइकल दुर्घटनामा मोटरसाइकलमा सवार पुन, बबई–५ का २७ वर्षीय धुब्र घर्ती र बबई–४ का २५ वर्षीय देवराज रजाली घाइते भएका थिए।
घाइतेलाई उपचारका लागि राप्ती प्रादेशिक अस्पताल तुलसीपुरमा लगिएकोमा पुनको उपचारको क्रममा मृत्यु भएको इलाका प्रहरी कार्यालय तुलसीपुरका प्रमुख डिएसपी शिबबहादुर सिंहले जानकारी दिए।घर्तीलाई तुलसीपुरमा उपचार पछि थप उपचारका लागि बाँकेको कोहलपुर रेफर गरिएको प्रहरीले जनाएको छ। अर्का घाइते रजालीलाई उपचारका लागि काठमाडौं पठाउने तयारी भइरहेको प्रहरीले जनाएको छ।उनीहरू तीन जना रा ४ प १४४३ नम्बरको मोटरसाइकलमा सवार थिए। मोटरसाइकल कसले चलाएको थियो भन्ने कुरा नखुसकेको प्रहरीले बताएको छ। उनीहरू होली खेल्न गएको समयमा दुर्घटना भएको प्रहरीले जनाएको छ।
प्रतिक्रिया