कपिलवस्तु ५ बैशाख । मुख्यमन्त्री ग्रामिण विकास तथा रोजगार कार्यक्रम यूवाहरु बीच रोजगार सीप आर्जनकालागि प्रभावकारी बन्दै गएकोछ । जस अन्तर्गत बाणगंगा नगरपालिकाका उपप्रमुख चक्रपाणी अर्यालद्धारा ३ महिने कुक, वेटरर र फेसन डिजाइनिङग कार्यक्रम उद्धघाट्न गरीएको छ ।
नगरभित्रका नगरवासिहरुमा रोजगार सृजना गर्ने उद्धेश्यका साथ वडा नं ४ मा रहेको नगरपालिकाको भवनमा कार्यक्रम उद्धघाटन गरीएको हो ।वडाको सिफारिसमा ११ वटै वडाबाट २, २ जना परीक्षार्थी छनोट गरी जम्मा ६६ जनालाई तालिम दिईने सुचना प्रवृति अधिकृत सम्राट रेग्मीले जानकारी दिनुभयो । सिटिईभिटिको लेबल एक सरहको तालिम छनौट परीक्षार्थिहरुलाई प्रदान गरिने समेत उहाले जानकारी दिनुभयो।
कार्यक्रममा वाणगंगा नगरपालिकाका प्रमुख प्रशासकिय अधिकृत वासुदेव खनालको आतिथ्यता, शिक्षा शाखाका उपसचिव बाबुराम भट्टराई , शाखा अधिकृत केशव राज भट्टराईको उपस्थिती रहेको थियो । कार्यक्रम नगरपालिकाका उपप्रमुख चक्रपाणि अर्यालको अध्यक्षतामा शिक्षा शाखा अधिकृत खिम बहादुर जिसिको सञ्चालनमा सम्पन्न भएको थियो ।
प्रतिक्रिया