कपडा उत्पादनमा महिलाको उत्साहजनक सहभागिता

कपिलवस्तु८ वैशाख।शिवराज नगरपालिका वडा न ५ का १६ जना महिलालाई ढाकाको कपडा बनाउने तालिम दिइएको छ । वडा कार्यालयको आर्थिक सहयोग,दलित मानव अधिकार निगरानि समिति कपिलवस्तुको सहजिकिरणमा दुई महिना सम्म महिलाहरुलाई तालिम प्रदान गरिएको हो । बुधवार तालिमको समापन गर्दै नगरप्रमुख नेत्रराज अधिकारीले तालिममा सिकेका कुरालाई अब व्यवहारमा ल्याउनुपर्ने बताउनुभयो ।

नगरपालिकाले महिलाहरुलाई लक्षित गरेर विभिन्न सिपमुलक तालिमहरु संचालन गरेको भन्दै ढाकाको कपडा बनाउने तालिमले महिलाहरुलाई स्वरोजगार बनाउन टेवा पुग्ने बताउनुभयो । शिवराज नगरपालिका वडा ५ का अध्यक्ष अर्जुन पाण्डेले महिलाहरुको मागको आधारमा तालिम संचालन गरिएको बताउनुभयो । तालिम लिएर मात्र उपलब्धी नहुने भएकोले अब व्यावसायिक तारिकाले काम गर्नुपर्नेमा जोड दिनुभयो । गत फागुन ४ गते देखि सुरु भएको तालिममा सहभागिहरुलाई ढाकाको कपडा बनाईमा दक्ष बनाइएको दलित मानव अधिकार निगरानि समिति कपिलवस्तु अध्यक्ष मिना परियारले बताउनुभयो ।

अत्याधुनिक किसिमका ढाकाका बर्का,कोटको कपडा,सुट लगाएतका कपडाहरु बनाउन सिकाएको प्रशिक्षक सम्झना परियारले बताउनुभयो । सिप नभएर घरमा खाली बसेको बेला तालिमवाट सिप हासिल गर्न सकेको सहभागि रिनादेवि चौधरीले बताउनुभयो । तालिममा सिकेको सिप मार्फत आफु आत्मनिर्भर बन्ने चौधरीले बताउनुभयो ।