लुम्विनीमा ३ नया मन्त्री थपिए,१० सदस्यीय मन्त्रीमण्डल

बुटवल २१ बैशाख । लुम्बिनी प्रदेशका मुख्यमन्त्री शंकर पोखरेलले फेरी मन्त्रिपरिषद विस्तार गर्नु भएको छ । मुख्यमन्त्रीले मंगलबार मात्र मन्त्रिपरिषदमा तीन जना नयाँ अनुहारलाई मन्त्रीमा नियुक्त गर्नु भएको हो । यो संगै  केही जिम्मेवारी हेरफेर समेत गर्नु भएको छ । अब प्रदेश मन्त्रिपरिषद १० सदस्यीय भएको छ। थपिएकाहरुमा अर्घाखाँचीमा चेतनारायण आचार्य आन्तरिक मामिला तथा कानूनमन्त्री, रुपन्देहीका भोजप्रसाद श्रेष्ठ स्वास्थ्य तथा जनसंख्या मन्त्री, कपिलवस्तुका धर्मबहादुर लाल श्रीवास्तव शिक्षा तथा सामाजिक विकासमन्त्री बन्नु भएको छ  । 

यस अघि थपिएका मन्त्री मध्ये हरिप्रसाद रिजाललाई ग्रामिण तथा शहरी विकास मन्त्रालय, कल्पना पाण्डेलाई उद्योग, वन तथा वातावरण मन्त्रालयको जिम्मेवारी दिइएको छ। बैजनाथ चौधरी आर्थिक मामिला तथा योजनामन्त्री, सन्तोषकुमार पाण्डे भौतिकपूर्वाधार विकासमन्त्री, विजयबहादुर यादव भूमिव्यवस्था कृषि तथा शहकारी मन्त्री र सुमन शर्मा रायमाझी भौतिक पूर्वाधार विकास राज्यमन्त्रीमा यथावत रहनु भएको छ ।