वन मुद्दामा फरार अभियुक्तलाई ४ वर्षपछि पक्राउ

तुलसीपुर 26  जेठ। दाङ प्रहरीले वन मुद्दामा फरार अभियुक्तलाई ४ वर्षपछि पक्राउ गरेको छ । २०७४ चैत महिनाको १४ गते वन मुद्दामा फरार रहेका घोराही उपमहानगरपालिका २ निमुरिया निवासी ५३ वर्षिय रिसमान चौधरीलाई पक्राउ गरेको जिल्ला प्रहरी कार्यालयका प्रहरी नायव उपरिक्षक तथा प्रवक्ता मुकुन्दप्रसाद रिजालले जानकारी दिए ।

उनका अनुसार खोजतलास गर्ने क्रममा मंगलबार दिउँसो ५ बजे निमुरियामै लुकिछिपी बसेको अवस्थामा फेला पारेको हो । फरार व्यक्तिलाई पक्राउ गरी दाङ देउखुरी जिल्ला अदालतमा बुझाएको प्रहरीले बताएको छ । साथै उनलाई यसअघि नै अदालतले १ लाख ३८ हजार ९ सय १७ रुपैँया ३७ पैसा जरिवाना टोकेको थियो ।