निशेधाज्ञा उलंघन गर्दै बनभोज खान जादा एकको ज्यान गयो

प्युठान 29 जेठ। निशेधाज्ञा उलंघन गर्दै बनभोजको लागि कर्मचारी ओसारेको सरकारी गाडि दुर्घट्नामा पर्दा एक जनाको मृत्यु भएको छ । कोष तथा लेखा नियन्त्रण कार्यालय प्युठानको ध १ झ ५ नम्बरको कार जिल्लाको मल्लरानी गाउँपलिका ४ मा दुर्घट्ना भएको हो ।

दुर्घटनामा परि तुल्सीपुर उपमहानगरपालिका ४ का प्रकाश आचार्यको ज्यान गएको हो । खलंगाबाट मल्लरानीमा वनभोज खान सरकारी कर्मचारीहरूलाई ओसारपसार गर्दा कार दुर्घटनामा परेको स्थानीयहरुले बताएका छन्। कार कच्ची सडकबाट चिप्लिएर ७० मिटर खसेको जिल्ला प्रहरी कार्यालय प्युठानका प्रवक्ता एबं प्रहरी निरीक्षक देवि प्रसाद गैरेले बताए।