योजनाको प्रगती समीक्षा तथा जनप्रतिकृया संकलन

कपिलवस्तु ६ असार ।वाणगंगा नगरपालिका वडा नं ५ ले चालु आवका योजनाको प्रगती समिक्षा एवम ती योजनामा सरोकारवालाको जनप्रतिकृया संकलन कार्यक्रम आयोजना गरेको छ । सो अवसरमा चालु आ ब २०७७/०७८ का योजना तथा कार्यक्रमहरुको बारेमा समिक्षा तथा आगामी आ ब २०७८/०७९ का लागि योजना तथा कार्यक्रमहरु तर्जुमा गर्ने सम्बन्धमा वडा भेला  भएको छ । जसमा वडा भित्रका समाजसेवी  राजनीतिक दल तथा टोल विकास संस्थाका प्रमुख तथा प्रतिनिधिहरुको सहभागिता रहेको थियो । 

चालु आबमा सम्पन्न भएका कार्यक्रमहरु र आगामी आबका लागि तर्जुमा हुने  सम्पुर्ण कार्यक्रमहरुका बारेमा सम्पुर्ण राजनितिक दल लगायत समाजसेवी एव टोल विकास संस्थाहरुको उत्साहजनक सहभागिता रहेको थियो । कार्यक्रम वडा अध्यक्ष  भिष्मराज भुसालको  अध्यक्षता  ,वडा सदस्य कृष्ण बहादुर चौधरीको स्वागत मन्तव्यमा  भएको थियो । कार्यक्रममा  नेकपा एमालेका वडा कमिटी अध्यक्ष बाबुराम अर्याल  नेपाली कांग्रेसका वडा सभापति शालिकराम पौडेल  , राष्टिय जनमोर्चा पार्टीका वडा कमिटी अध्यक्ष चेतनारायण पाण्डे ,पुर्व कोपवा गा वि स अध्यक्ष चिरञ्जिवी गिरी  लगायत टोल विकास संस्थाका अध्यक्षहरुको सक्रिय सहभागिता रहेको  वडा सचिव  दीपक पाण्डेले जानकारी दिनु भयो ।