सभ्यता बचाउन ,रिचार्ज गर्न र आपूर्ति बढाउन गेम चेन्जर परियोजनाको शुभारम्भ :मन्त्री पौडेल

बुटवल १२ असार । तिनाउ नदीमा आधारीत सभ्यता वचाउन , तराईमा सुक्दै गरेका पानीका भूमिगत श्रोत रिचार्ज गर्न ,एकैसाथ सिंचाई र जलविधुतको आपूर्ति बृद्धि गर्न काली गण्डकी तिनाउ ड्राइभर्सन गेमचेन्जर प्रोजेक्ट  भएको गृह ,अर्थ तथा सिंचाई मन्त्री विष्णु पौडेलले दावि गर्नु भएको छ ।

उहाले रुपन्देहीका बुटवल, भैरहवा, लुम्विनी सहितका  शहरहरुमा जनघनत्व बढ्दै  जाँदा यहाँको सबैभन्दा ठूलो जलस्रोत मानिने तिनाउ नदीमा पानीको सतह घट्दै गएपछि  तिनाउ नदीको सभ्यता, सिंचाई र तराईमा भूमिगत जलस्रोतको संरक्षणका लागि यो आयोजनाको परिकल्पना गरेर पहिले मन्त्री हुदा काम अघि आफैले बढाएको  उहाले स्पष्ट पार्नु भयो  । यो संगै बहुप्रतिक्षित र महत्वाकांक्षी कालिगण्डकी–तिनाउ डाइभर्सन आयोजनाको काम अघि बढेको छ।

सिंचाई मन्त्री पौडेलले बुटवलमा आयोजनाको कार्यालय उद्घाटन गर्दै यस्तो वताउनु भएको हो । कार्यालय उद्घाटन गर्दै मन्त्री पौडेलले कालिगण्डकीको पानी तिनाउ नदीमा खसालेर रूपन्देही नवलपरासी र कपिलवस्तुका खेतमा सिँचाई पुर्‍याउने तथा १२६ मेघावाट विद्युत निकाल्ने उहाले वताउनु भयो । उहाले कालीगण्डकी(तिनाउ डाईभर्सन अब सपनाको विषय नरहेको भन्दै कार्यान्वयनका रूपमा अघि बढ्नेको स्पष्ट पानभयो  मन्त्री पौडेलले आयोजनालाई राष्ट्रिय गौरवको आयोजनाका रूपमा अघि बढाउने र यसले लुम्बिनीका साथै मुलुककै मुहार बदल्ने तर्क गर्नुभयो ।

 बुटवलमा कार्यालय स्थापना संगै अब यो बर्षभित्र सक्ने गरी विस्तृत परियोजना प्रतिवेदन तयार हुनेछ । कार्यालय स्थापनाको उद्देश्य मूलतः यो परियोजनाको डिपीआर सम्पन्न गर्ने रहेको आयोजना प्रमुख सन्तोष कैनीले वताउनु भयो  । आगामी एक बर्षभित्र डिपिआरको काम सम्पन्न गरी अर्को वर्षदेखि निर्माणको काम थाल्ने गरी काम अघि बढाएको आयोजना प्रमुख कैनीको भनाई छ । प्रारम्भिक अध्ययन भएको लामो समय भइसक्दा पनि डिपिआर सम्पन्न हुन  नसकेर अन्योलमा रहेको यो आयोजनाको कार्यालय स्थापना भएसंगै अब आयोजना अघि बढ्ने आशा पलाएको छ ।