वार्ता र सहमति पछि मात्र बैठकमा जाने नेपाल समुहको निष्कर्ष

काठमाडौं, १७ असार । नेकपा एमालेको माधवकुमार नेपाल–झलनाथ खनाल पक्ष यथास्थितिमा ओलीले बोलाएको वैठकमा नजाने भएको छ । नेपाल–खनाल पक्षको आज (बिहीबार) बसको स्थायी कमिटी बैठकले यथास्थितिमा ओलीले बोलाएको बैठकका लागि बालुवाटार नजाने निर्णय गरेको हो ।बैठक भन्दा पहिला वार्ता ,दुबै पक्षबीच साझा सहमति र पार्टी एकताको पूर्ण आभाष हुने गरी आयोजना हुने बैठकमात्र मान्य हुने नेपाल समुहको भनाइछ । 

नेपाल–खनाल पक्षको स्थायी कमिटी बैठकले यथास्थितिमा भोलि (शुक्रबार) बोलाइएको केन्द्रीय कमिटी बैठकमा नजाने सर्वसम्मत निर्णय गरेको हो । बैठकले पार्टी एकताका लागि आह्वान समेत गरेको छ । ओलीले बोलाएको बैठकमा नजाने विषयमा माधव समूहका सबै नेता एकमत देखिएको बैठकमा सहभागी एक नेताले जानकारी दिएका छन् ।बैठकमा नेता योगेश भट्टराईले समेत यथास्थितिमा बालुवाटार जान नसक्ने बताएका थिए । माधव समूहले प्याकेजमा सहमति गरिनुपर्ने बताउँदै आएको छ । ओलीले पार्टीलाई २०७५ जेठ २ मा फर्काउने प्रचार गरे पनि कार्यान्वयन भने गरेनन् ।