ब्राउनसुगर सहित ३ जना पक्राउ

कपिलबस्तु साउन १

कपिलवस्तु नगरपालिका वडा नं. २ बर्दहवामा लागु औषध ब्राउनसुगर सहित ३ जना पक्राउ परेका छन् । जिल्ला प्रहरी कार्यालय कपिलवस्तले सवारी साधन चेक जाँच गर्ने क्रममा सोही नगरपालिका वडा नं. १ का एकै परिवारका ३ जनालाई पक्राउ गरेको प्रहरी नायब उपरिक्षक धर्मराज भण्डारीले बताए । पक्राउ पर्नेमा नयाँटोल बस्ने वर्ष २७ को राकेश गुप्ता, राकेशको श्रीमति बर्ष २४ की प्रभावती गुप्ता र भाई वर्ष २२ को बैजु कुमार गुप्ता रहेका छन् । 

पक्राउ परेका ३ जना भारतिय यू पि ५५ वि ९४३५ नम्वरको मोटरसाईकलमा सवार रहेका थिए । चेक जाँच गर्दा मोटरसाईकलको पछाडी सवार प्रभावतीले ब्लाउजमा लुकाएर ल्याएको प्लाष्टिकको पोका निकाली श्रीमानलाई दिन लाग्दा शंकाको आधारमा पक्राउ गरेको भण्डारीले बताउनु भयो । उनिहरुबाट २९ ग्राम ७९० मिलि ग्राम ब्राउन सुगर, नाइट्राभेट १० ट्याबलेट, उइन स्पास्मो १ सय २४ क्याप्सुल बरामद गरिएको छ ।