निषेधको राजनीतिले कसैको भलो हुँदैन : प्रदेश प्रमुख

रुपन्देही २४ साउन । लुम्बिनी प्रदेशका प्रदेश प्रमुख अमिक शेरचनले सबै दलहरुलाई सहमति र सहकार्य गरेर प्रदेशमा देखिएको राजनीतिक समस्या समाधान गर्न आग्रह गर्नुभएको छ । आइतबार बुटवलमा रिपोर्टर्स क्लव नेपाल लुम्बिनी प्रदेश कार्यालयको तेस्रो स्थापना दिवस, स्मारिका विमोचन तथा सम्मान कार्यक्रममा बोल्दै शेरचनले  निषेधको राजनीतिले कसैको भलो नहुने वताउनु भयो । 

 उहाले  प्रदेशमा देखिएको राजनितिक जटिलता समाधान गर्न सबै दलहरुलाई सहमति र सहकार्य गरेर अघि बढ्न आग्रह गर्नुभएको हो । शेरचनले अहिले देखिएको समस्या समाधान गर्न संवैधानिक बाटो रोज्नुको विकल्प नभएको तर्क गर्नुभयो । संवैधानिक बाटोमा जादाँ अल्पमत,बहुमत देखिनुु स्वाभाविक रहेको बताउदै शेरचनले सबैले कसैसगँ पूर्वागह्र नराखी  संवैधानिक व्यवस्थालाई आत्मसाथ गर्नुपर्नेमा जोड दिनुभयो । 

प्रदेश प्रमुख शेरचनले आफुलाई सत्तापक्ष वा प्रतिपक्ष कसैले टाढाको रुपमा नहेर्न समेत आग्रह गर्नुभयो । उहाले भष्ट्रचार विकास निर्माणको बाधक भएको बताउदै भष्ट्रचार जरैदेखीबाट निर्मुल पार्नुपर्नेमा जोड दिनुभयो । शेरचनले नीतिगत भष्ट्रचार होस् या जेसुकै भष्ट्रचार होस् भष्ट्रचार अन्त्य गर्न आफु लागी पर्ने बताउनुभयो ।कार्यक्रममा  सुसासनका बाधक भष्ट्रचार नामक स्मारिका विमोचन गर्नुका साथै पत्रकारहरुलाई सम्मान गरिएको थियो ।