बाणगंगाको एक होटलवाट रेडपण्डा कारोवारी पक्राउ

कपिलवस्तु २९ साउन । कपिलवस्तुको एक होटलवाट रेढपण्डा कारोवारी पक्राउ परेका छन् । वाणगंगा नगरपालिकाको जीतपुरमा दुर्लभ रेडपाण्डाको छाला सहित ३ जना  पक्राउ परेका हुन् ।बीहिवार ७  बजेको समयमा जिल्लाको वाणगंगा नगरपालिका ४ सिद्दिपुरमा रहेको बराल होटल रेष्टुरेन्ट एण्ड लजमा रेड पाण्डाको  छालाको कारोबार भईरहेको भन्ने सुचनाको आधारमा लुम्बिनी प्रदेश प्रहरी अनुशन्धान समुह र जिल्ला प्रहरी कार्यालय कपिलवस्तुको प्रहरी टोली त्यहाँ पुगि खानतलासी गर्ने क्रममा २ वटा रेड पाण्डाको छाला र १ वटा पुच्छर सहित तिन जनालाई पक्राउ गरिएको प्रहरीले जानकारी दिएको छ ।

पक्राउ पर्नेमा झापाको बिर्तामोड नगरपालिका ५ बस्ने २९ बर्षीय खगेन्द्र पुरी , सोही ठाउँका ३२ बर्षीय आशिष जोग, र २६ बर्षीय सौरभ राजवंशी रहेका छन् ।पक्राउ परेका तिनै जनालाई तत्काल नियन्त्रणमा लिई अनुशन्धान प्रक्रिया अगाडी बढाएको कपिलवस्तु प्रहरीले जानकारी गराएको छ ।