खोलाले बगाएका पौडेलको शव ३५ किमी टाढा भेटियो, विरामी बुवाको उपचार गर्ने सपना बग्यो

कपिलवस्तु ३१ साउन । कपिलवस्तुको वाणगंगा नगरपालिका ९ मा पर्ने कोईली खोला अन्तर्गत कपिलधाम र चौवा जोड्ने पहिलो कजवेमा बेपत्ता भएका पशुपति पौडेलको शव ४ दिन पछि फेला परेको छ । बाणगंगा नदी अन्तर्गत महाराजगंज नगरपालिकाको सिंग्राहामा उनको शव तैरीरहेको अवस्थामा फेला परेको हो । सुरक्षाकर्मीको टोलीले आईतवार दिउसो २ बजेतिर पौडेलको शव फेला पारेको प्रहरी उपरिक्षक दान बहादुर कार्कीले. बताए । 

कोईली खोला हुदै पौडेलको शव ३५ किलो मिटर बढी बगेर सिंग्राहा पुगको थियो । पौडेलको बिहिबार देखिनै नेपाली सेना, प्रहरी, शशस्त्र प्रहरीको टोलीले खोजीकार्य जारी राखेको थियो । नदीमा पानीको बहाब उच्च हुँदा शब खोज्नलाई समस्या भएको थियो । नेपाली सेना ,नेपाल प्रहरी, शशस्त्र प्रहरी लगाएतको टोलीको अथक प्रयास पछि पौडेलको शब फेला परेको प्रहरीले जनाएको छ । 

बिहिबार दिउसो अर्घाखाँचीबाट कपिलवस्तु वाणगंगा आउनेक्रममा कजवेमा आएको बाढीले बुटवल उप महानगरपालिका वडा नम्बर १२ नया गाउका ४२ बर्षिय पशुपति पौडेल बेपत्ता भएका थिए । उनले अर्घाखाचीवाट विरामी बुवालाई लिएर बुटवल उपचारका लागि पुराउदै गर्दा खोलाले वगाएको थियो । अर्घाखाँची धारापानीमा रहेको पुख्र्यौली घरबाट लु २ च ५९०० नम्बरको गाडीबाट उनी आफनो घर तर्फ आउदै थिए ।

 गाडीबाट ओर्लेर कजबेमा कति पानी छ भन्ने हेर्न जानेक्रममा त्यहीबाट बेपत्ता भएको ईलाका प्रहरी कार्यालय पिपराका प्रहरी निरीक्षक दिनेश गुरुङले बताए । पौडेलको शवलाई तौलिहवा अस्पतालमा पोष्टमार्टम गरिएकोछ ।