कपिलवस्तु ४ भदौ । बाणगंगा नगरपालिका ५ मधौली स्थित मधौली सामुदायिक वन क्षेत्रको खाली क्षेत्रमा अहिले सुन्दरीकरण गरिए सँगै पर्यटकहरुको अकर्षणको केन्द्र बनीरहेको छ । खासगरी यूवा पर्यटकलाई समय विताउन , पर्यावरणको मजालिन र अनेकौ आकर्षण सिनहरुमा भिडियो टिकटक बनाउन ,फोटो खिचाउन यो ठाउ प्रदेशकै अब्बल रुपमा स्थापित हदै गएकोछ। 
पुर्व पश्चिम राजमार्ग देखि झण्डै २ किलोमिटर दक्षिणमा पर्ने मधौली सामुदायिक वनमा सुन्दर पार्क बनेपछि पर्यटकका लागि आकर्षणको केन्द्र बनेको हो । वडा नं ५ का अध्यक्ष भिष्म भुषालले यस पार्कलाई प्रदेशकै उत्कृट पार्कका रुपमा विकास गरिने बताउनु भयो । शुरुमा जिल्ला बन कार्यालयले वनको संरक्षणका लागि रु ५ लाख रकम दिई पार्क बनाउने कामको शुरुवाँत गरेको थियो , त्यसपछि मधौली सामुदायिक वनले आफ्नो आन्तरिक कोषबाट पार्क बनाउने काम गर्न थाले पछि वडाले पुर्ण रुपले सहयोग गर्दै आएको छ , अध्यक्ष भुषालले भन्नु भयो।
आर्थिक वर्षमा प्रधानमन्त्रि कार्यक्रम अन्तरगत रु ८ लाख रकम पार्क बनाउनका लागि बिनियोजन गरिएको र हाल पार्क भित्र बन्दै गरेका मण्डला बनाउन रु ५ लाख बिनियोजन गरिएको उहाँले बताउनु भयो । सञ्चारमाध्यमले प्रचार प्रसार गरेका कारण पनि छिट्टै पार्क चर्चामा आएको अध्यक्ष भुषालले बताउनु भयो । सामुदायिक वनको योजना अनुसार पर्यटकीय स्थलको रुपमा विकास गरिएको वनका अध्यक्ष खडानन्द गौतमले बताउनुभयो । उहाँका अनुसार वन क्षेत्र स्थलमा ठूला काठ उत्पादन हुने विरुवा नभएको र खाली क्षेत्रलाई सदुपयोग गर्ने उद्देश्य सहित पर्यटकीय स्थलको रुपमा विकास गर्ने अवधारणा ल्याइएको हो । अहिले आन्तरिक संरचना निर्माणका काम पनि धमाधम भईरहेका छन भने दुई वर्ष पहिले देखि निर्माण कार्य थाली यसै वर्ष देखि स्थललाई पर्यटकको लागि खुल्ला गरिएको छ । घुमफिर गर्न र त्यहाँको वस्तुस्थितिबारे जानकारी लिन अहिले कपिलवस्तु सँगै रुपन्देही र अर्घाखाँचीबाट समेतका पर्यटकहरु आउने गरेका छन् ।
पार्कमा सेल्फी लिने , टिकटक बनाउने युवायुवतीहरुको पनि उत्तिकै भिड रहेको छ । विशेष गरी सामाजिक सञ्जाल र टिकटकबाट मधौली पिस पार्क भित्रका दृश्यहरुले चर्चा पाईरहेका छन् । अहिले मधौली पार्कमा पर्यटकहरुलाई अकर्षण गर्ने खालका संरचनाहरु निर्माण गरिँदै छ भने विभिन्न दुर्लभ जनावर र चराचुरुङ्ीका आकृती समेत बनाइदै छ । कपिलवस्तुको बुङ्ची–जहदी सडक खण्ड अन्तरगत पर्ने मधौली पार्कमा पुग्न सडक पहुँच पनि राम्रो रहेका कारण पनि बाणगंगामा आन्तरिक पर्यटकको चहलपहल बढेको छ ।दैनिक ८ सय देखि १ हजार व्यक्तिले पार्क अवलोकन गर्न आउने गरेका छन । वनको विचमा सुपादेउराली मन्दिर रहेकोमा मन्दिरको संरक्षण गर्दै हरियाली पार्क बनाउने योजना अगाडि बढेको हो । अहिले करिब ३ हेक्टर क्षेत्रफलमा तारबार गरि पार्क बनिरहेको छ । यसलाई व्यवस्थित बनाउदै १० हेक्टर क्षेत्रफल सम्म पुर्याइने योजना रहेको छ । 
मनोरम र उत्कृष्ट पार्कको विकासले स्थानियको जनजिवीका फेरिनुका साथै प्रदेशकै आर्थिक विकासमा ठुलो टेवा मिल्ने अपेक्षा लिएको अध्यक्ष भुषाललको भनाई छ । आगामि दिनमा दिर्घकालिन योजना अनुसार पार्कको हेरालु राख्ने , भिडभाड धैरै हुने भएकोले नियमित प्रहरी गस्ती राख्ने जस्ता काम अगाडि बढेको छ । हाललाई पार्ककोलागि एक जना हेरालु राखिएको छ । 
वन्यजन्तु संरक्षण गर्ने उद्देश्यका साथ काम अगाडि बढाइएको छ । पार्क निमार्ण कार्य व्यवस्थित भएको एक दुई महिना पछि शुल्कको व्यवस्था गरिने छ । पार्क भित्र नमुना चिडिया खानाको समेत अबधारणा ल्याइएको छ ।
प्रतिक्रिया