कांग्रेस कपिलवस्तुको अधिबेशन : ९ पालिकाको नेतृत्व छानियो तर यशोधरामा भने निर्वाचन अबरुद्ध

कपिलवस्तु १४ असोज । कांग्रेसको चौधो महाधिबेशन अन्तर्गत  कपिलबस्तुका ८ पालिकामा चुनाववाट र १ पालिकामा सर्ब सहमत नेतृत्व छनौट भएको छ ।  एक पालिकामा भने एउटा वडाको अधिबेशन नभएकाले पालिका अधिबेशन नै हुन सकेन । जस अनुसार अधिबेशन हुन नसेको पालिका यशोधरा गाउपालिका हो । प्रेस युनियन सम्वद्ध पत्रकार मणि गैरेका अनुसार त्यहा एउटा वडामा अझै नेतृत्व छनौट हुन सकेको छैन । त्यसैले बुधवार हुने पालिका अधिबेशनवाट समेत नेतृत्व छनौट हुन सकेन । 

निर्वाचनवाट नगर सभापतिमा निर्वाचित हुनेमा बुद्धभूमीमा माधव दोमासे , शुद्धोधनमा विश्वम्भर कुर्मी , मायादेविमा शैलेन्द्र दुबे सभापतिमा निर्वाचित हुनु भएको छ ।  यसैगरी बाणगंगामा विष्णु थापा , कपिलवस्तु नगरपालिकामा खुर्सेद अहमद खाँ , कृष्णनगर नगर समितिको सभापतिमा देवानन्द शुक्ला र शिवराज नगरपालिकाको नगर सभापतिमा मधु पोख्रेल निर्वाचित हुनु भएको छ । विजयनगर गाउँ समितिको सभापतिमा जानकी यादव विजयी हुनु भएको छ । महराजगंज नगरपालिकामा सर्व सम्मतरुपमा नगर कार्य समति चयन भएको छ । महाराजगन्ज नगर सभापतिमा पुनः राम अचल कुर्मी निर्विरोध रुपमा चयन  हुनु भएको हो  ।