चितवन, १९ असोज । चितवनमा बाघले आक्रमण गरेर बेपत्ता भएका युवकको शव फेला परेको छ । कुमरोज सामुदायिक वनमा आज बिहान बाघले आक्रमण गर्दा खैरहनी नगरपालिका वडा नम्बर १३ निवासी २५ वर्षीय दिनेश बोटे बेपत्ता भएका थिए ।
५६ जनाको समुहमा रहेका बोटेलाई बाघले आक्रमण गरेर झाडीतर्फ लगेको थियो । बेपत्ता भएका बोटेलाई निकुञ्ज प्रशासनको पहलमा ८ वटा हात्ती सहित प्रहरी , सेना लगायतको टोलिले खोजीकार्य गरेको थियो ।
उनको शव बाघले आक्रमण गरेको स्थानभन्दा १०० मिटर पर झाडीमा आज दिउँसो फेला परेको जिल्ला प्रहरी कार्यालय चितवनका प्रवक्ता प्रहरी नायव उपरीक्षक सुर्य बहादुर थापाले जानकारी दिए।
प्रतिक्रिया