रूपन्देहीकाे मोतिपुर औद्योगीक क्षेत्रमा जारी कर्फ्यू आज राति १२ वजेदेखि हटाइने

बुटवल असाेज २६ । रूपन्देहीकाे मोतिपुर औद्योगीक क्षेत्रमा जारी कर्फ्यू आज राति १२ वजेदेखि हटाइने भएको छ । औद्योगीक क्षेत्रकाे जग्गा अतिक्रमण गर्ने व्यक्ति र सुरक्षाकर्मीबीच झडप हुँदा चारजनाकाे मृत्यु भएपछि स्थिति नियन्त्रणमा लिन आइतबार दिउसो ४ बजेदेखि रुपन्देही प्रशासनले कर्फ्यू लगाएको थियो ।

औद्योगिक क्षेत्रमा देखिएको तनाव शान्त बन्दै गएकाले आज राति १२ पछि कफ्यु हटाउने जिल्ला प्रशासन कार्यालय रूपन्देहीले जानकारी दिएकाे छ । प्रमुख जिल्ला अधिकारी ऋषिराम तिवारीले विज्ञप्ति जारी गर्दै कफ्यु हटे पनि निषेधाज्ञा जारी रहने बताउनुभएकाे छ ।                                                  पूर्वतर्फ तिनाउ नदी पश्चिममा हरिहरपुरको खेतीयोग्य जमिन, उत्तर शिवनगर रानी गञ्ज बस्ती र दक्षिण बुटवल उप महानगरपालिका वडा नम्बर १८ औद्योगिक कोरिडोरको जमिन (धन्दापुर सौरहियासम्म) निषेधाज्ञा लगाइएको छ ।