सल्यानका एक पुरुष ववई नदीमा डुवेर वेपत्ता

दाङ, ३० असोज । सल्यानका एक पुरुष शुक्रवार विहानै ववई नदीमा डुवेर वेपत्ता हुनु भएको छ । वेपत्ता हुनेमा कालिमाटी ७ बोटनी बस्ने ३५ बर्षिय श्याम विक रहेको जिल्ला प्रहरी कार्यालय सल्यानका प्रहरी प्रमुख एवं डिएसपी गोविन्द थापाले जानकारी दिनुभयो । विहान आठ बजेतिर श्रीमती संगै बबई नदीमा नुहाउन गएको बेला ढुङगाबाट चिप्लिएर नदीमा वेपत्ता भएको उहाले जानकारी दिनुभयो ।

श्रीमान् नदीमा डुवेर वेपत्ता भएको श्रीमतीले प्रहरीलाई जानकारी गराएको उहाले जानकारी दिनुभयो । वेपत्ता भएका पुरुषको घुईयाबारी प्रहरी चौकीबाट गएको प्रहरी टोली र स्थानियले खोजी कार्य गरे पनि अहिले सम्म फेला नपरेको प्रहरीको भनाई छ । अहिले पनि उहाको खोजी कार्यजारी रहेको बताईएको छ ।