कैलालीमा नदीले बगाउदा एकजना बेपत्ता ।

धनगढी,१ कात्तिक । कैलालीमा नदीले बगाउँदा एकजना बेपत्ता भएका छन् । सोमबार दिउँसो खुटिया नदीको छेउमा ढुङ्गागिटी लोड गरिरहेको अवस्थामा एक्कासी आएको बाढीले गोदावरी नगरपालिका ८ का ३० वर्षीय गणेश आउजी बगेर बेपत्ता भएको प्रहरीले जनाएको छ ।

ट्रयाक्टर चालक समेत रहेका उनको खोजी कार्य भइरहेको छ । उनको खोजीका लागि गोताखोर सहितको टोली खटाइएको जिल्ला प्रहरी कार्यालयले जनाएको छ ।

प्रहरीले आइतबार रातिदेखि सुदूरपश्चिमका पहाडी र चुरे क्षेत्रमा वर्षा भइरहेकाले तराइमा नदी खोलामा पानीको सतह बढ्न सक्ने भएकाले तटीय क्षेत्रमा सर्तकता अपनाउन आग्रह समेत गरेको छ ।