बाणगंगामा बसले मोटरसाइकललाई ठक्कर दिदा २ जना घाइते

कपिलवस्तु, ०२ कर्तिक । कपिलवस्तुको बाणगंगामा बसले मोटरसाइकललाई ठक्कर दिदा २ जना घाइते भएका छन । पुर्व पश्चिम राजमार्ग अन्तर्गत आज मंगलबार दिउँसो बुटवल बाट कृष्णनगर जाँदै गरेको लु १ ख ५७०५ नम्बरको बसले ओभरटेक गर्ने क्रममा विपरीत दिसाबाट आउदै गरेको लु २४ प ३१८ नम्बरको मोटरसाइकललाई ठक्कर दिएको हो । 

इलाका प्रहरी कार्यलय पिपराका अनुसार बसको ठक्कर बाट मोटरसाइकलमा सवार २ जना घाइते भएका छन । घाइते हुनेमा एक जना पुरुष र एक बालीक भए पनि उनिहरुको नाम र ठेगाना भने खुलीसकेको छैन । उनिहरुलाई अहिले कपिलवस्तु स्थित सामुदायिक अस्पतालमा उपचार हुन नसकेपछि बुटवल रेफर गरिएको प्रहरीले जानाएको छ ।  ठक्कर दिने बस र मोटरसाइकललाइ नियन्त्रणमा लिएर घटनाको थप अनुसन्धान भैरहेको प्रहरीले जनाएको छ ।