७० ग्राहकको लाइन काट्दा ११ लाख बक्यौता उठयो

तुलसीपुर ७ कार्तिक। नेपाल विद्युत प्राधिकरण तुलसीपुर वितरण केन्द्रले   विद्युत् महसुल नबुझाउने ग्राहकको    लाइन   काटेर धमाधम बक्यौता  महशुल उठाउन थालेको छ ।विद्युत महसुल समयमा   बुझाउन   नआएका ब्यक्ति, संस्था,      सरकारी    कार्यालयहरुको लाइन काटेर वितरण  केन्द्रले बक्यौता    तिर्न ताकेता गरेको हो । कार्तिक १    गते    यता ५ दिनमा मात्रै ११ लाख २९  हजार      बक्यौता रकम बुझाउन बाकि रहेका  ७०      ग्राहकको लाईन काटिएको  प्राधिकरणले      जानकारी दिएको छ । यस आर्थिक बर्ष २०७८/७९  को हाल सम्म प्राधिकरणले २३ लाख ७९   हजार बक्यौता रकम बुझाउन बाँकी ८७    ग्राहकको लाईन काटेको छ ।

धमाधम लाइन काटिन थालेपछि महसुल तिर्न बाँकी रहेका ग्राहकहरु     महसुल     बुझाउन आउने गरेको बिधुत प्रधिकरण   तुलसीपुरका प्रमुख ज्ञान बहादुर  फर्सालले         जानकारी दिएका छन । अटेरी   गरेर    भन्दा         पनि सेवाग्राहीहरु लापरवाहीले     गर्दा      महशुल बुझाउन नआउने गरेको उनले बताएका छन ।बेलैमा विद्युतको खपत गरेबापतको      रकम बुझाए जरिवानाबाट  समेत     बच्न    सकिने उनको भनाई छ । कोही कसैले पनि     बिधुत महशुल नतिरी उम्कन नपाउने हुदा     समयमै महशुल तिरी लाग्ने जरीवाना बाट बच्न उहाले सेवाग्राहीहरुलाई आग्रह समेत गरेका छन ।आर्थिक बर्ष ०७७/०७८ मा प्रधिकरणले   ६३ लाख ८८ हजार बक्यौता तिर्न बाकि     रहेका २८५ ग्राहकको लाईन काटेको थियो । अहिले सम्म जम्मा ग्राहकहरुबाट    प्रधिकरणले     ५ करोड ६७ लाख बक्यौता रकम  लिन    बाँकी रहेको छ । यस आर्थिक बर्षको अन्त्य सम्म ३ करोड असुल गर्ने     लक्ष्य     रहेको     प्रमुख फर्सालले जानकारी दिएका छन।

मिटर रिडिङ भएको ६०   दिनदेखि        बढी भएका महसुुल नतिरेका  ग्राहकलाई    कालो सूचीमा राखेर वितरण केन्द्रले लाइन    काट्ने अभियान थालेको हो ।      विद्युत्     महशुल नियमावली २०७७ को विनियम      ७     को उपनियम ३ बमोजिम ६० दिनसम्म    महसुल बुझाउन नआउने ग्राहकको विद्युत       बिना जानकारी प्राधिकरणले काट्न पाउने व्यवस्था रहेको छ ।

लाइन काटिएपछि      बक्यौता      बुझाएका ग्राहकको घरमा पुनः विद्युत जडान      गरिने प्रधिकारणले जानकारी दिएको छ ।    नेपाल विद्युत प्राधिकरण तुलसीपुर वितरण   केन्द्रले ४६ हजार ५७ ग्राहक संख्या रहेको छ।