चुनाव आउँदैछ र यो चुनाव आउँछ जान्छ भन्ने मात्रै ठानिएको छ त्यो सही हैन: पुष्पकमल दाहाल

देशका केही मान्छेले माओवादी सखाप नपारेसम्म यो देशमा केही पनि हुँदैन भन्न थालेको हुँदा सजग सचेत रहन उनले कार्यकर्तालाई अपिल गरे । ‘माओवादी सखाप पार्ने भनेको के हो ? त्यो भनेको संघीय लोकतान्त्रिक गणतन्त्र सखाप पार्ने हो । उत्पीडितले पाएको सीमित अधिकार खोस्ने र उनीहरुको तन्त्र लाद्ने हो ।            यो महाभारत यो कुरुक्षेत्र हुन लागेको चितवनमा कल्ले जित्ने हो ? कौरवले कि पाण्डवले हेर्नु छ,’ दाहालले भने । कुरुक्षेत्र हुने भनेको हिंसा अशान्ति हुने हो भन्ने अर्थमा नबुझ्न उनले पत्रकारहरुसँग अपिल पनि गरे 

आगामी चुनावमा माओवादी पार्टी परास्त हुनु भनेको राष्ट्र परास्त हुने स्थिति आउन उनले बताए । एमालेले बुटवलमा गर्ने भनेको राष्ट्रिय महाधिवेशन चितवनमा सारेर केपी ओलीले आफूलाई प्रहार गर्न खोजेको उनले बताए । ‘एमालेले चितवनमा महाधिवेशन गर्ने भएपछि अब प्रचण्ड भाग्छ र बर्दिया जान्छ कि कालिकोट जान्छ भनेर काठमाडौंमा भनियो । मैले अस्ति पनि भनेँ, म कहीँ जान्न । म चितवन छोड्दिनँ । म भाग्ने मान्छे हुँदै होइन,’ दाहालको भनाइ थियो ।