कपिलवस्तु १६ कार्तिक । नेकपा एमाले नगर कमिटी कपिलवस्तुमा निर्वाचित नयाँ नेतृत्वको पदभार ग्रहण कार्यक्रम सम्पन्न भएकोछ । निवर्तमान नगर कमिटीका अध्यक्ष भेषराज पाण्डेले निर्वाचित अध्यक्ष श्याम प्रसाद प्रजापतिलाई सस्थाको माइन्यूट तथा समग्र अफिसियल कागजात हस्तान्तरण गरेपछि पदभार ग्रहण गरिएको हो ।
पार्टी कार्यलय तौलिहवामा आयोजित पद भार ग्रहण सपथ तथा शुभकामना आदान प्रदान कार्यक्रममा बोल्दै एमालेका जिल्ला अध्यक्ष झविलाल पोख्रेलले कुनैपनि तहका नेताले कमिटीको निर्णय बेगर स्थानीय तह निर्वाचन अगावै मौखिक रुपमा पदको आस्वासन दिने काम गरेको पाइएमा कडा कारवाही गरिने वताउनु भयो ।
कार्यक्रममा एमालेका प्रदेश कमिटी सदस्य खुम आचार्य , आजाद अहमद दर्जि , शारदा शर्मा , जिल्ला उपाध्यक्ष वावुराम खनाल , नगर सहइन्चार्ज हिरालाल पौडेल , जिल्ला सचिवलाय सदस्य एवम निवर्तमान नगर अध्यक्ष भेषराज पाण्डे , जिल्ला कमिटी सदस्य सुन्दर पाण्डे लगाएतले बोल्दै नवनिर्वाचित कमिटीको कार्यकाल सफल र सक्षम हुनुपर्ने शुभाकमना दिनु भएको थियो ।
सो अवसरमा पदभार ग्रहण गर्दै अध्यक्ष श्याम प्रसाद प्रजापतिले आसन्न स्थानीय चुनावमा एमालेले कपिलवस्तु नगरमा मेयर उपमेयर दुबै जित्नेगरी कार्ययोजना वनाई लागु गर्ने प्रतिवद्धता जानाउनु भयो । कार्तिक ९ मा सम्पन्न अधिबेशन वाट ५५ सदस्यीय नगर कमिटी निर्वाचित भएकोमा आज पदभार ग्रहण , सपथ तथा शुभकामना आदान प्रदान कार्यक्रम सम्पन्न भएकोहो ।
प्रतिक्रिया