जाजरकोटमा ट्रक दुर्घटना हुदाँ दुईको ज्यान गयो, सात घाइते ।

काठमाण्डौ, १९ कार्तिक । जाजरकोटमा मिनी ट्रक दुर्घटना हुँदा दुई जनाको ज्यान गएको छ । सुर्खेतदेखि जुनीचाँदेका लागि छुटेको  बा ५ ख २५०१ नम्बरको मिनीट्रक जाजरकोटको रिठेखोला बाबिया टाकुरामा दुर्घटना हुँदा दुई जनाको ज्यान गएको प्रहरीले जनाएको छ ।

दुर्घटनामा सात जना घाइते भएका छन् । एक जना बेपत्ता छन् । दुर्घटनामा ज्यान गुमाएकाको परिचय खुलेको छैन । घटनाको अनुसन्धान भइरहेको प्रहरीले जनाएको छ ।