जीप दुर्घटना हुँदा दाङमा एक जनाको मृत्यु ।

दाङ, २२ कार्तिक । दाङमा जीप दुर्घटना हुँदा एक जनाको ज्यान गएको छ । दुर्घटनामा अन्य १९ जना घाइते भएका छन् । सल्यानको कालीमाटीबाट दाङको तुलसीपुरका लागि छुटेको भे १ ज ५२२ नम्बरको जीप बबई गाउँपालिका २ एक्लेबरमा दुर्घटना भएको हो ।

दुर्घटनामा सल्यान कालीमाटी गाउँपालिका वडा नम्बर ३ चौरी बल्ले बस्ने ३२ वर्षका देवबहादुर सुनारको ज्यान गएको इलाका प्रहरी कार्यालय तुलसीपुरले जनाएको छ ।  घाइते १९ जनाको राप्ती प्रादेशिक अस्पताल तुलसीपुरमा उपचार चलिरहेको छ ।