टिप्परको ठक्करबाट एकजना बृद्धा महिलाको मृत्यु

बुटवल २६ कार्तिक । तिलोत्तमाको शंकरनगरमा मंगलबार बिहान टिप्परको ठक्करबाट एकजना बृद्धा महिलाको ज्यान गएको छ । बिहान करिब साढे ६ बजे भएको दुर्घटनामा तिलोत्तमा- ३ कि ८७ बर्षीय प्रेमकुमारी आचार्यको मृत्यु भएको प्रहरीले जनाएको छ ।

शंकरनगर स्थित सिद्धार्थ राजमार्गको जेब्रा क्रसिङबाट सडक पार गर्दै गरेकी आचार्यलाई ठक्कर दिएर टिप्पर फरार भएको प्रहरीले जनाएको छ । ठक्कर दिने लु २ ख २२१६ नम्बरको टिप्पर तथा चालकको खोजी भइरहेको प्रहरीले जनाएको छ।