कुलोमा डुबेर एक जना बालकको मृत्यु

तुलसीपुर २९ कार्तिक  । तुलसीपुरमा एक जना बालकको घर नजिकको कुलोमा डुबेर मृत्यु भएको छ।

तोरी खेतीमा पानी सिचाइ गर्ने कुलोको पानीमा खेल्दै गर्दा तुलसीपुर १२ कोवापुर निबासी कमल डागीको ३ वर्षीय छोरा कब्यानसन डागीको कुलोमा डुबेर मृत्यु भएको तुलसीपुर प्रहरीले जानकारी दिएको छ। आज दिउँसो ३ बजे बालक कुलोमा डुबेका थिए।

उनको तुलसी हस्पिटलमा उपचारको क्रममा मृत्यु भएको प्रहरीले बताएको छ। उनको शव पोस्टमार्टमको लागि राप्ती प्रादेशिक अस्पताल तुलसीपुरको शव गृहमा राखिएको छ ।