सरकारी कार्यलय बाटै सहजसेवा प्रदान नहुने गरेको सिडियो कै खुलाशा

तुलसीपुर २ मंसिर । दाङका प्रमुख जिल्ला अधिकारी हिरालाल रेग्मीले कार्यालयबाट सहज रुपमा सेवा नपाउनु नेपालको सबैभन्दा ठूलो समस्या भएको बताउनुभएको छ । जनताको बढी भिडभाड हुने विद्युत, जिल्ला प्रशासन, ईलाका प्रशासन, मालपोत, नापी कार्यालयबाट जनताले सहज रुपमा सेवा नपाएको बताउँदै उहाँले सेवालाई प्रभावकारी बनाउन सकेमा जनताले ठूलो राहतको महशुस गर्ने बताउँनुभयो ।

सेवालाई छिटोछरितो र प्रभावकारी बनाउन स्थानीय, प्रदेश र संघिय सरकारले हरेक कार्यालयमा प्रयाप्त दक्षजनशक्ति र उपकरणको समयमै उचिव व्यवस्थापन गर्नु पर्ने उहाँले बताउँनुभयो ।
नागरिकले आफुले पाउने सेवा सहज रुपमा नपाउँदासम्म नेपालमा जुनसुकै परिवर्तन आएपनि नागरिकले सरकार आफ्नो हो भन्ने कुराको बोध नगर्ने उहाँले बताउनुभयो ।