कपिलवस्तुमा देउवा निकट केसी क्षेत्र नं १ (क) को सभापतिमा विजयी ।

कपिलवस्तु, ०४ मंसिर । कपिलवस्तुको क्षेत्र नं. १ अन्तरगत प्रदेश सभा (क) को सभापतिमा दुर्गा केसीले चुनाव जित्नुभएको छ । शनिबार साँझ सकिएको मतगणनामा केसीले मंगलप्रसाद थारुलाई पराजित गर्दै चुनाव जित्नुभएको हो । केसीसंग सभापतिमा पराजित हुनुभएका थारु वाणगंगा नगरपालिकाका मेयर हुनुहुन्छ भने निवर्तमान वाणगंगा नगर सभापति हुनुहुन्छ ।

वाणगंगा नगरपालिकाको ओदारी माविमा शनिबार भएको निर्वाचनमा केसी सभापति शेर बहादुर देउवा प्यानलको हुनुहुन्थ्यो । यस्तै थारु वरिष्ठ नेता रामचन्द्र पौडेल प्यानलबाट चुनाव लड्नुभएको थियो । प्रदेश सभा (क) मा वाणगंगाका ११ वडासहित कपिलवस्तु नगरका ३ र मायादेवी गाउँपालिकाको १ वडा गरी ३४१ जना क्षेत्रिय प्रतिनिधिले मतदान गरेका थिए ।