ओलीले अघिसारे नेपालमा अबको नया शिक्षा प्रणाली

काठमाडौं १७ मंसिर । नेकपा एमालेका अध्यक्ष केपी शर्मा ओलीले नेपालमा बिद्यार्थीलाई बोझ नहुने शिक्षा प्रणाली लागू हुनुपर्ने बताएका छन् ।

शुक्रबार ललितपुरमा नेपाल राष्ट्रिय शिक्षक संगठनको १२औं जिल्ला अधिवेशन उद्घाटन गर्दै अध्यक्ष ओलीले बालबालिकाको इच्छाअनुसारको शिक्षा प्रदान गर्ने संस्था निर्माण हुनुपर्ने बताए ।

उनले समाज सञ्चालनका लागि शिक्षकहरुको भूमिका प्रसंसनिय रहेको भन्दै यसलाई निरन्तरता दिन आग्रह गरे । पठाउने मात्र नभई समाज जगाउने काम शिक्षकहरुले गरेको र यो निकै महत्वपूर्ण रहेको उहाको भनाई छ ।

ओलीले राजनीतिक पार्टीको कार्यकर्ताको हिसाबले शिक्षकले पढाइ छोडेर पढाउने कर्तव्य छोडेर राजनीति मात्रै गर्न नहुने धारणा राखे । उनले शिक्षकहरुको जायज मागलाई एमालेले पुरा गर्ने प्रतिवद्धता पनि जनाए ।
कार्यक्रममा संगठनले बिभिन्न व्यक्तिहरुलाई सम्मान गरेको थियो ।